無人想成為韭菜，但…哩個topic上，其實早就係棵待割既大韭菜

利申：Tatco係一個已經將身家、性命、財產都賭入哩個大韭菜市場既人！由於我知道今時今日係網上寫野，只要唔賣廣告其實都冇咩人會睇到，所以本文寫比唔想比人任割既有緣人睇，起碼叫講出來對自己良心好過Ｄ

先問大家一條問題，一斤鐵重定係一斤棉花重?
唔準諗即刻答！
如果哩條問題，唔係１００％人人都可以即刻答岩。

咁我地換個問法，８５分貝既工場、工業場所、地盤嘈D，定係８５分貝既演唱會、Studio、Live Band Show？

你又知唔知，長期接觸85分貝以上既聲音，一樣會令聽力永久受損？而且音樂人聽力受損既風險，係一般人既４倍！

再講多個例子：
＂專家＂話聽音樂６０／６０法則(即用60%音量，聽６０分鐘休息）可以安全聽歌唔傷耳。

但現實中，邊個真係咁聽歌？又有邊個＂專家＂知道自己「60%」係指邊個耳機、邊個音源？

係咪路上行緊既任何汽車，踩６０％油門，就唔會超速、唔會有機會撞車、唔會發生交通意外?

所以，我哋慢慢發現一件事，原來目前有關「聽力健康」既知識，好多時只係似是而非既安慰劑。
而正因為大家唔知、唔理、唔信，呢個市場必然慢慢會發展成一個大韭菜市場。

畢竟，認知偏差，係韭菜成長既其中一種必備條件。

所以我地有時間就會企出來，講出你唔想聽、但應該聽既真相。

如果你想成為一棵「唔易被割」既聰明韭菜，記得Follow T-Audio，我哋下次繼續拆解。