牙醫🦷能醫不自醫之竟然衰係對耳到?!
牙醫
能醫不自醫之竟然衰係對耳到?!
能醫不自醫之竟然衰係對耳到?!最近睇完一篇外國研究報告，調查咗 184 位牙科醫院員工，發現成 30.4% 有聽力損傷跡象。
唔係話診所好吵，其實平均音量（64-69 dBA）未超 85 dBA 職業上限，但長期累積 + 高頻峰值先係關鍵。
重點重溫：
30 歲以上，風險高近 3 倍 ;
食煙：風險升近 6 倍；飲酒：升 3 倍有餘 ;
技術/維修工作，因為成日接觸超聲波清潔房等高峰噪音（峰值可達 131 dB），耳朵壓力其實好大;
單側聽力損傷喺臨床人員幾常見，可能同儀器成日喺同一邊耳仔附近有關;
飲咖啡嗰組統計上風險低啲，但作者都話實驗證據有矛盾，唔好當係護身符
結論係：聽力損傷係不可逆，毛細胞壞咗就冇返得轉頭。
研究建議：定期聽力檢查 + 高峰噪音時段戴耳塞 + 戒煙限酒，先係實際做法。
純分享，希望幫到喺高頻噪音環境工作嘅朋友（唔單止牙科，美髮、工場、Live House 都適用）。
