Tatco係音樂工業walk左廿年，我近年一直在思考一件事：
未來廿年，香港音樂人究竟會向左走定向右走？
根據我多年既觀察同數據研究，發現有兩個極其關鍵、卻又被嚴重忽視既問題，將會影響整整一代香港音樂人。

第一題：AI係幫你定取代你？
哩個係我過去接觸AI生成音樂時，最常同人探討既一句話。
有趣既係，在外國，唔少專業音樂人願意公開分享佢地如何運用AI來創作、編曲、甚至錄音混音。
但係香港，情況卻唔同。
我明既，試諗下：如果你係一個職業音樂人，你敢不敢大大聲同人講——「我係用AI做音樂㗎！」？

如果唔講，比人（客人、聽眾）發現咗會點？
如果講左，比人知道又會點？
哩個矛盾，似乎係現階段香港音樂人在面對AI時最大既心理障礙。
而我認為，哩個唔止係技術問題，更係身份認同、價值與市場信任既問題。
正所謂醜婦終須見家翁，
坦誠面對AI既機會與挑戰，似乎都真係幾頭痛。

🩸 第二題：提早聽力受損、聽力衰退問題
哩個係我親身經歷，亦係我睇過最多音樂人奶野既地方！
根據我多年來，接觸過數十位職業音樂人既經驗，
有10年以上音樂經驗既，9成以上都處於早期至中期聽力受損狀態 。

其中有一個我首度提出既新名詞：

👉 「樂壇鴛鴦耳」 ——
即長期使用單邊耳工作（例如做Lｉｖｅ、監聽ＭＯＮ野、混音），導致左右耳聽力出現明顯偏差。

哩種偏差會帶來一連串惡性循環：
🔊 左右耳聽力不同 →
🎧 耳機、喇叭聲音偏音 →
🔊 工作音量越開越大 →
👂 聽力受損越來越嚴重 →
💔 最終影響健康、生活質素、甚至職業生涯
好多人根本沒意識到哩一點，直到某日突然覺得身體出事，例如耳鳴、甚至耳聾，先驚覺問題有幾嚴重。

📌 結語
我知道，係依家講哩Ｄ野，可能會被人笑「痴線」、「ON9」，
但我相信，總有人開始關心哩Ｄ問題，尤其係部份已經感受到影響既朋友。
如果你係香港音樂人，或者身邊有朋友係音樂人，
不妨share比佢地睇睇，或者可以喚起一點點警覺都好。
未來廿年或餘生，我都會專注於推動同解決哩兩個課題，
未來，請多多指教，我係T-Audio既Tatco