買親入耳式耳機都唔岩戴既真相係…
買親入耳式耳機都唔岩戴既真相係…
有時，我都唔知係客人大量定係廣告太強大，
好多客買耳機時，廣告都講到對耳機點點點好，
實際係，一塞入耳，轉頭就甩，但永遠冇人同你講真相。
終於，我聽得最多客同我講既係：［唔知係咪我對耳奇怪過人，買極耳機都唔岩戴］。。。
講真，無論你係咪對耳真係奇怪都好，作為賣產品比你既人，係咪點都要保你岩玩岩用先?
你玩得唔開心又唔岩用，仲要怪你自己，究竟係咩玩法?！
就好似哩類耳仔細過絕大部份耳機既客人，我見唔少，當香港有０。０１％人口係咁，其實都有７萬５千幾人。
真相係，部份設計通用型耳機既設計師，認知範圍內，根本就唔知有你地哩類人既存在，
所以，又點會知要點幫你地。。。
７萬幾人係咪少眾我唔知啦，不過，如果有７萬幾人比生意我地做，應該都夠做好耐
