<樂壇鴛鴦耳>專家愛你💖,但…唔一定幫到你🥲
<樂壇鴛鴦耳>專家愛你
,但…唔一定幫到你
,但…唔一定幫到你
今次分享既故事，係一位買耳機既年輕女客人，
幫佢驗耳（聽力分析)個陣發覺有點唔妥，點解咁後生就出現”早期高頻聽力受損”同埋”樂壇鴛鴦耳”(即左右耳聽覺狀態明顯不同)，
傾下計得知，原來佢早年參加過某D學術機構搞既聽力測試驗究項目，亦都做過傳統醫學聽力測試，
個陣已經發現有點唔妥。
當時佢好奇問相關既”專家／工作人員”意見，
答案／意見係：［可能訓覺個陣，成日側訓，壓到單邊耳導致。］
如是者，客人就一直都好小心訓覺，希望可以避免情況惡化。
係我聽來，哩單野雖然有點”長知識”，但細問下原來客人有夾band玩音樂，仲要係位主音，
嗯。。。我下意識就問佢：［係咪夾BAND個陣,有套鼓係你右後方?]
女客人:[係啊]
我:[咁係咪平時練歌出show時，無帶過任何保護耳塞、ＣＭ耳機同埋直頭單邊唔戴耳機?］
女客人:［係啊］
嗯。。。迷底可能已經解開！
我個人推測，令佢出現早期高頻聽力受損＋樂壇鴛鴦耳既主因，係佢入band房、出show時，係毫無保護既情況下，比套鼓”物理攻擊＂得多，從而導致問題。
徵狀正正就係右耳受損比左耳明顯！
所以，其實未來應該多加留意哩個情況，多過要＂小心訓覺”。
當然，我唔敢講我既推斷係１００％準確，不過，如果有入過band房，感受過真樂器既威力，
應該都好難會將聽力受損問題，歸納為側訓導致。
相信專家／工作人員們都係好心提供專業建議，雖然未必一定幫到大家，但起碼都係愛你地既
