關於隔音/保護耳塞，冇人講過既事~
關於隔音/保護耳塞，冇人講過既事
研究隔音／保護耳塞十幾年，曾經天真地以為可以發明一款通用型，賣比全世界，搵好多錢，從此踏上財務自由之路
但現實係耳塞既學問，比想像中深得多。。。
例如:
1-日常生活用?
2-夜晚訓覺用?
3-職業／工作／活動使用?
4-戰爭打仗用?
以上4類已經需完全唔同既設計，試諗下將求其一種調轉用，例如日常生活用既，拎去打仗，後果輕則令人聽力受損，重則分分鐘害死人！
更可怕既係，大家又點會知１～４類既耳塞，有咩分別
再講個關於衛生同或然率既問題：
假如長期使用一對忽略清潔、消毒既耳塞，有0.1%機會發生耳道發炎問題，
即係使用1000次就有機會發生1次，
其實日日用的話，3年內總有機會發生1次。
睇醫生都要錢啦下嘛
所以，當大家覺得耳塞係好平，好普通，只賣你十元八塊一對既東西時，
請先思考下以上1-4類既問題，再加埋個人衛生。
最後，我地真係好抱歉，因為太多order要清，搞到遲遲都未夠膽宣傳推廣，
目前都係佛系PM問既階段，希望想了解更多詳情既朋友，唔好介意。
衷心多謝大家支持！
