音樂人中年危機系列之-樂壇鴛鴦耳！
音樂人中年危機系列之-樂壇鴛鴦耳！
正在步入中年音樂人系列既你／妳，
唔好意思，今日我地要輕輕而隆重地介紹樣唔係幾好既野比大家！
正確名稱係咩？未定，反正我地係全世界第一個講你地知既。
暫定個正經少少既名叫:左右耳個別頻率聽力嚴重不平衡
簡稱：樂壇鴛鴦耳
點解要叫＂樂壇鴛鴦耳＂？因為哩個發現，係我(Tatco)係幫過數十位資深職業音樂人，做完聽力測試再互相了解後，發現既一個特殊現像。
就係當一個擁有超過１０年音樂／表演經驗，經常會做現場表演既音樂人，佢地出現＂樂壇鴛鴦耳＂既情況，就變得特別明顯。
細問下，經常會”單邊唔戴耳機／表演途中會除底＂既一邊耳，就係受傷既個邊耳仔！
因此，可以推斷，哩個除單邊耳機既動作，都會令到你／妳既單邊耳，聽力健康受到明顯既傷害！
後果將會非常嚴重！
係音量上來講，相差５ｄＢ，就已經會有明顯音量差，超過１０ｄＢ以上既差距，稱得上嚴重！
因為出現以上問題既個一刻開始，先唔講所有市面上可以買到既耳機、喇叭對你來講，都會偏音哩個複雜又麻煩既事。
只係當一個人係未知自己出現＂樂壇鴛鴦耳＂既情況下，大腦會開始幫你”腦補”已經有排講。
哩種”腦補”就好似我地平時見到錯別字，會自動修正一樣，短暫來講，可能係好事，但長期發展落去，絕對唔係好野！
而哩單既真係有排講，但為免大家消化唔到，今日先講住咁多。
如果大家身邊都有音樂人朋友，不妨分享比佢地知，提下佢地，少個人奶野都好。
如果你懷疑自己已經出現樂壇鴛鴦耳，盡早搵我地傾傾啦。
